गणेशोत्सव

आगमन सोहळा

श्री चिंतामणीचा पाटपूजन सोहळा मंगलमय वातावरणात शनिवार दि. १५ जुलै २०२३ रोजी चिंतामणी सभामंडपात पार पडला. त्यानंतर श्री चिंतामणीचा आगमन सोहळा ढोल ताशांच्या गजरात व भक्तिमय वातावरणात शनिवार दि. ९ सप्टेंबर २०२३ रोजी संपन्न झाला.

प्रतिष्ठापना

मंडळाचे अध्यक्ष श्री अनिल सुभद्रा अर्जुन आजगांवकर यांच्या हस्ते व श्री दत्तात्रय शास्त्री यांच्या पौराहित्याखाली श्री चिंतामणीची प्रतिष्ठापना करण्यात आली. प्रतिवर्षाप्रमाणे श्री महाभिषेक व श्री सत्यनारायणाची महापूजा आयोजित करण्यात येऊन पूजेचा प्रसाद घरोघरी देण्यात आला.

सजावट व व्यवस्था

मूर्तिकार स्व. विजय खातू यांची कन्या रेश्मा खातू यांनी सुबक मूर्ती घडविली. नेत्रदीपक सजावट श्री राहुल परब, वेशभूषा श्री प्रकाश लहाने व प्रकाश योजना श्री विशाल शेलार यांनी केली.

मंडप-दिवाबत्ती श्री चंद्रकांत बापते, छपाई सौ संगीता कडव व बॅनर श्री प्रदिप राणे यांनी केले. भाविकांना दर्शन सुलभ व्हावे यासाठी प्रथमच रेलिंग सहित पूल श्री सुनील चाळके यांनी उभारला.